Lakdiwa News

පක්‍ෂයේ උන්නතිය සදහා උවමනා වෙතොත් තමන් ශ‍්‍රි ලංකා නිදහස් පක්‍ෂ සභාපති ධුරයෙන් ඉල්ලා අස්වීමට වුවද සූදානම් බව ජනාධිපති මෛත‍්‍රීපාල සිරිසේන මහතා පැවසු බව අද මවුබිම පුවත්පත වාර්තා කර ඇත. ඊයේ රාත‍්‍රියේ ජනාධිපති නිල නිවසේදී පැවති ශ‍්‍රී ලංකා නිදහස් පක්‍ෂ මධ්‍යම කාරක සභාවේදී ජනාධිපවරයා මේ බව සදහන් කලැයි එව වාර්තාවේ දැක්වෙයි. පක්‍ෂය ගොඩනගමින් ජයග‍්‍රාහීව ඉදිරියට ගෙන යාම සදහා සියළු දෙනා කැපවිය යුතු යයිද ජනාධිපතිවරයා එහිදී සදහන් කල බවද වැඩි දුරටත් සදහන්ය.

එක්සත් ජාතික පක්‍ෂයට නියෝජ්‍ය නායකකම් දෙකක් ඇති කරන්නේ නම් තමන් ඊට විරුද්ද වන්නේ යයි එම පක්‍ෂ නියෝජ්‍ය නායක ඇමති සජිත් පේ‍්‍රමදාස මහතා සදහන් කර ඇත. ඊයේ පැවති එක්සත් ජාතික පක්‍ෂ කෘත්‍යාධිකාරී මණ්ඩල හා පාර්ලිමේන්තු මන්ත‍්‍රී කණ්ඩායම් හමුවේදී ඔහු සදහන් කර ඇත්තේ එසේ නියෝජ්‍ය නායක ධුර දෙකක් ඇති කලහොත් තමන් දරන නියෝජ්‍ය නායක ධුරයෙන් ඉල්ලා අස්වන බවද ඔහු දැඩිව අවධාරණය කර ඇත. ඊයේ පැවති එම හමුවේදී සජිත් පේ‍්‍රමදාස මහතා තව දුරටත් නියෝජ්‍ය නායක ධුරයේ හා රවි කරුණානායක මහතා උප නායක ධුරයේ තබා ගැනීමට තීරණය වී තිබේ. එමෙන්ම තවත් උප නායක ධුර කිහිපයක් ඇති කිරීමටද යෝජනා වී ඇති අතර එම පිරිස ඉදිරි ප‍්‍රතිසංවිධාන කටයුතුවලදී පත් කිරීමටද නියමිතය.

මිතුරියො ඩොට් කොම් නමැති වෙබ් අඩෙවියක් හරහා සූක්ෂම ආකාරයෙන් සිදුවන මහා පරිමාණ වෛශ්‍යා ජාවාරමක් පිලිබඳව තොරතුරු රැසක් වාර්තා වී තිබේ. මිතුරන් හදුනාගැනීම සඳහා තිබෙන වෙබ් අඩෙවියක් ලෙස දක්වමින් මෙම  ජාවාරම සිදුකෙරෙමින් තිබෙන අතර ලංකාවේ තරුණ තරුණියන් රැසක් දැනටමත් මෙහි ගොදුරු බවට පත්ව තිබේ. ඇමරිකානු ඩොලර් 10 ගෙවා එම වෙබ් අඩෙවියේ ලියාපදිංචි වූ පසුව රට පුරා සිටින වෛශ්‍යා වෘත්තියේ යෙදෙන කාන්තාවන්ගේ ජායාරූප සහ සම්බන්ධ කරගැනීමට අදාළ තොරතුරු එවනු ලබන අතර එම ගණුදෙනුවේ සියලු සම්බන්ධීකරණ කටයුතු සිදුකරන්නේද මෙම වෙබ් අඩෙවියයි. රටපුරාම සිටින කාන්තාවන්ට අමතර ආදායමක් ඉපයීමට මෙම වෙබ් අඩෙවිය සමඟ සම්බන්ධ වන ලෙසට වූ ප්‍රවර්ධන වැඩසටහනක්ද ක්‍රියාත්මක වන අතර විශ්ව විද්‍යාල සිසුවියන්ද මේ හරහා වෛශ්‍යා වෘත්තියේ නියැලෙමින් ආදායම් ලබන බවට වාර්තා වී තිබේ. දේශීය තරුණියන් මෙන්ම විදේශික තරුණියන්ද මෙම වෙබ් අඩෙවිය හරහා සේවා සපයනු ලබයි. මෙම වෙබ් අඩෙවිය ශ්‍රී ලංකාව තුල තහනම් කරන ලෙස බොහෝ පිරිසක් ඉල්ලීම් කරද තවමත් එයට ප්‍රවේශ වීමේ හැකියාව පවතී

දිවයිනේ විවිධ ප්‍රදේශවලට ගොස් නවතා තිබෙන වාහන වලින්  ඉතා සූක්ෂම ලෙස දොරවල් විවෘතකොට වාහන වල ඇති දෑ සොරාගන්නා පුද්ගලයෙකු සහ ඔහුගේ බිරිඳ සැකපිට 07 දින දඹුල්ල පොලීසිය මගින් අත්අඩංගුවට ගෙන තිබේ. මෙසේ අත්අඩංගුවට ගත් පුද්ගලයා සතුව තිබූ වාහන වලින් සොරාගන්නා ලද භාණ්ඩ චෙක්පත් හැදුනුම්පත් මුදල් පසුම්බි ජංගම දුරකථන මෙන්ම වාහන ලියාපදිංචි රිසිට්පත් රියදුරු බලපත්‍ර බොහෝ දෙනා ගේ ඡායාරූප චෙක්පත් ආදී බැංකු කාඩ්පත්  රැසක් සොයා ගත් බව පොලිසිය කියයි. දැනට සිදුකරන පරීක්ෂණවලදී වාහන රැසකින් සොරාගත් භාණ්ඩවල කොටස් රැසක් සොයාගෙන ඇති අතර ඒවා අයිතිකරුවන් සොයා ගැනීම සඳහා පොලීසිය මහජන සහය පතයි. සිය බිරිඳ සමග දඹුල්ල කණ්ඩලම පාරේ  ප්‍රදේශයේ නිවසක් කුලියට ගෙන නැවතී සිටිමින් මෙම පුද්ගලයා කාලයක් තිස්සේ මෙම ජාවාරම සිදු කර ගෙන ගොස් තිබෙන බව පොලිස් පරීක්ෂණවලදී හෙළිවී තිබේ. ගම්පහ මල්වතු හිරිපිටිය ප්‍රදේශයේ පදිංචිකරුවෙකු වන මොහු  දීවයිනේ විවිධ ප්‍රදේශවලට ගොස් මේ ආකාරයෙන් වාහනවල භාණ්ඩ සොරා ගැනීම වාහන සොරාගෙන කැබලි කොට අලෙවි කිරීම ගෙල බැඳි රන් මාල කොල්ලකෑම ගෙවල් බිඳුම් ආදී චෝදනා රැසකට ...

සමස්ත ගුවන්විදුලි මෙන්ම සිනමා, වේදිකා, ටෙලිනාට්‍ය රසික රසිකාවියන්ගේ හදවත් තුළ මුවන්පැලැස්සේ මැණිකේ නමින් ආදරයෙන් ජීවත් වූ රත්නාවලී කැකුණවෙල මහත්මිය මීට සුළු වේලාවකට පෙර අභාවප්‍රාප්ත වී ඇත. කෙටි කළක් රෝගාතුරව සිටි ඇය මිය යන විට 87 වන වියෙහි පසුවූවාය. ටී.ජී.ඩබ්ලිව් ද සිල්වා ගේ කෙටිකතාවකින් 1951.දෙසැම්බර් 21 වන දින පී. වැලිකල විසින් නිෂ්පාදනය කළ ගුවන්විදුලි නාට්‍යයක් ඇයගේ ප්‍රථම ගුවන්විදුලි නාට්‍යය විය. ඇය මුවන් පැලැස්සේ ‘කදිරා’ ලෙස හඞකැවූ වික්ටර් මිගල් මහතාගේ නැගණියද විය. අවමගුල් කටයුතු පිළිබදව පසුව දැනුම් දෙනු ලැබේ. – ශ්‍රී නිමල් පද්මකුමාර

විශ්වාස භංගයේදී අගමැතිවරයාට එරෙහිව ඡන්දය දුන් කන්ඩායම විසින් එළැඹෙන මැයි මස 07 වැනිදා වෙනම මැයි රැළියක් පැවැත්වීමට කටයුතු සූදානම් කර ඇත. රාජ්‍ය ඇමති ටී.බී. ඒකනායක මහතා සදහන් කරන්නේ ‘ශ‍්‍රි ලංකා නිදහස් පක්‍ෂයේ රනිල් පිල’ සමග තව දුරටත් කටයුතු කල නොහැකි බැවින් රනිල් පිලේ මහ ලේකම්වරුන් වන මහින්ද අමරවීර හා දුමින්ද දිසානායක විසින් සංවිධානය කරන මැයි රැළියට සහභාගී නොවන බවයි. 16 දෙනෙකුගෙන් යුතු තම කණ්ඩායම විසින් වෙමන මැයි රැුළියක් කොළඹ විහාරමහා දේවී එලිමහන් රංග පීඨයේදී පවත්වන බවද ඒකනායක ඇමතිවරයා සදහන් කරයි. මෙම රැුළියේ ප‍්‍රධාන ආරාධිතයා ලෙස ශ‍්‍රිලනිප නායක ජනාධිපති මෛත‍්‍රීපාල සිරිසේන මහතාට ආරාධනා කරන බවත් හිටපු ජනාධිපති මහින්ද රාජපක්‍ෂ මහතාටද ආරාධනා කරන බවත් ඔහු වැඩි දුරටත් කියා සිටියේය.

අගමැති රනිල් වික්‍රමසිංහ මහතා ඇතුළු එක්සත් ජාතික පක්ෂ ඇමතිවරුන් පිරිසක් අද පෙරවරුවේ ජනාධිපති මෛත්‍රීපාල සිරිසේන මහතා හමු විය. මේ සඳහා මංගල සමරවීර, මලික් සමරවික්‍රම, කබීර් හෂීම්, අර්ජුණ රණතුංග ඇතුළු පිරිසක් එක්ව සිටි බවයි වාර්තා වන්නේ. අගමැතිවරයාට එරෙහිව ඉදිරිපත්ව ඇති විශ්වාස භංග යෝජනාව සම්බන්ධයෙන් ශ්‍රී ලංකා නිදහස් පක්ෂයේ ස්ථාවරය මේ වනවිට ප්‍රකාශයට පත්ව ඇති අතර ඒ සම්බන්ධයෙන් සාකච්ඡා කිරීම එජාප කණ්ඩායමේ අරමුණ විය.   ශ්‍රීලනිපයේ සැබෑ මතය   විශ්වාස භංග යෝජනාව සම්බන්ධයෙන් ශ්‍රී ලංකා නිදහස් පක්ෂය තීරණයක් ගෙන ඇති බවත් ඒ අනුව අගමැතිවරයා ඉල්ලා අස්විය යුතු බවත් ශ්‍රීලනිප ඇමතිවරුන් කිහිප දෙනෙකු ප්‍රකාශ කර තිබේ. එසේ ඉල්ලා අස් නොවුනහොත් විශ්වාස භංග යෝජනාවට පක්ෂව ඡන්දය ලබාදිය යුතු බවට ඔවුන් තීරණය කර තිබෙන්නේ. කෙසේ වෙතත් එය පක්ෂයේ තීරණය ලෙස තවමත් ප්‍රකාශයට පත්ව නොමැත.   සාකච්ඡාව අතරතුර මලික් සමරවික්‍රම ඇමතිවරයා ජනාධිපතිවරයාගෙන් අසා ඇත්තේ 'ආණ්ඩුවේ ශ්‍රීලනිප කණ්ඩායම විසින් අගමැතිවරයා විශ්වාස භංග යෝජනාව පිළිබඳ විවාදයට පෙර ඉල්ලා අස්විය යුතු බවට ගෙන ඇති තීරණය සම්බන...

බඩල්ගම අලුගොල්ලේ ඉදි කෙරුණු නව පාලම පෙරේදා 1 දහවල් විවෘත තම අවස්ථාවේ එහි පැමිණි උප පොලිස් පරික්ෂකවරයෙක් ගම්පහ දිස්ත්‍රික් පාර්ලිමේන්තු මන්ත්‍රී එඩ්වඩ් ගුණසේකර මහතාගෙන් හැඳුනුම්පත ඉල්ලීමත් සමග දැඩි උණුසුම්කාරී තත්ත්වයත් උද්ගත වීය.  පළාත් සභා සහ පළාත් පාලන අමාත්‍යාංශය යටතේ ක්‍රියාත්මක ග්‍රාමීය පාලම් ව්‍යාපෘතිය යටතේ රුපියල් ලක්ෂ 450ක වියදමින් ඉදි කෙරුණු මෙම නව පාලම ජනතා අයිතියට පත්කිරීම සඳහා මන්ත්‍රීවරයා පැමිණෙන අවස්ථාවේ තවත් පිරිසක් මාර්ගය අවහිර වන සේ බැකෝ යන්ත්‍ර යොදාගෙන කිසියම් උප ඉදිකිරීමක නිරතව සිට ඇත. පොලිස් නිලධාරීන් දෙදෙනකුද එම අවස්ථාවේ එහි රාජකාරියේ යෙදී සිටියදී පීත්ත පටිය කපා පාලම විවෘත කළ මන්ත්‍රීවරයා රැස්ව සිටි පිරිස ඇමතීමෙන් පසුව එහි පැමිණි උප පොලිස් පරික්ෂකවරයෙක් ශබ්දවාහීනි බලපත්‍ර ඇද්දැයි විමසා සංවිධායක කවුදැයි විමසූ බව පාර්ලිමේන්තු මන්ත්‍රී එඩ්වඩ් ගුණසේස්තර මහතා පැවැසීය. මන්ත්‍රීවරයාගේ අනන්‍යතාව හඳුන්වාදීමෙන් පසු උප පොලිස් පරික්කවරයා හැඳුනුම්පත ඉල්ලා සිටි බවද මන්ත්‍රීවරයා සඳහන් කළේය. එම ඉල්ලීමත් සමග ජනතාව ප්‍රකෝප වී පොලිස් නිලධාරියාට දොස් පවරා ඇත...

අද බොහෝ දෙනෙකු ජීවිත බේරාගෙන සිටින්නේ එක්සත් ජාතික පක්ෂය නිසා බවත් ඒ නිසා අගමැතිවරයාට එරෙහිව ඉදිරිපත්ව ඇති විශ්වාස භංග යෝජනාව සඳහා සහාය දක්වන පුද්ගලයන්ගේ උත්පත්තිය පිළිබඳ සොයා බැලිය යුතු බවත් හිටපු අමාත්‍ය මර්වින් සිල්වා මහතා පවසයි. අද (03) කොළඹදී පැවති මාධ්‍ය හමුවකට එක්වෙමින් හිටපු ඇමතිවරයා මේ බව සඳහන් කළේය. වත්මන් යහපාලන ආණ්ඩුව ගොඩනැගීම පිටුපස සිටින මහා බලවේගය රනිල් වික්‍රමසිංහ මහතා බව ප්‍රකාශ කළ මර්වින් සිල්වා මහතා වැඩිදුරටත් සඳහන් කළේ අගමැතිවරයා ඉවත් කිරීම යනු යහපාලනයේ අවසානය බවයි.   අගමැතිවරයා ඉවත් කිරීමේ බලය ඇත්තේ එක්සත් ජාතික පක්ෂයට බවත් එජාපයට අගමැතිවරයා ප්‍රශ්නයක් නොවන්නේ නම් ඒකාබද්ධ විපක්ෂයට එය ප්‍රශ්නයක් වීමට හැකියාවක් නොමැති බවත් ඔහු ප්‍රකාශ කළේය. තමන් කලෙකට පෙර එක්සත් ජාතික පක්ෂය මෙන්ම රනිල් වික්‍රමසිංහ මහතා ද විවේචනය කළ නමුත් මේ මොහොතේ රනිල් වික්‍රමසිංහ මහතා ආරක්ෂා කිරීම වෙනුවෙන් කොන්දේසි විරහිතව පෙනී සිටින බව ද හිටපු ඇමතිවරයා පැවසීය.

ඕස්ට්‍රේලියාවේ ගෝල්ඩ් කෝස්ට් ක්‍රීඩා ගම්මානයේදී 21 වෙනි පොදු රාජ්‍ය මණ්ඩලීය ක්‍රීඩා උළෙල හෙට (04)  දින ආරම්භවීමට නියමිතය. හෙට දිනයේදී ආරම්භ වන පොදු රාජ්‍ය මණ්ඩලීය ක්‍රීඩා තරඟ ලබන 15 වැනිදා දක්වා පැවැත්වෙයි. පොදු රාජ්‍ය මණ්ඩලීය සාමාජිකත්වය දරන රටවල් 71 ක ක්‍රීඩක ක්‍රීඩිකාවන් ඕස්ට්‍රේලියාවේ ගෝල්ඩ් කෝස්ට්හි තරඟ වැදීමට නියමිතය. ක්‍රීඩා 19 ක ඉසව් 275 ක් එහිදී පැවැත්වෙනු ඇති. මේ සඳහා ශ්‍රී ලංකාවෙන් ක්‍රීඩක ක්‍රීඩිකාවන් 80 ක් හා නිලධාරීන් 39 ක් සහභාගී වන අතර අදියර 5 ක් යටතේ ඔවුන් ඔස්ට්‍රේලියාව බලා පිටත් වන බවයි ජාතික ඔලිම්පික් කමිටුව සඳහන් කරන්නේ. කණ්ඩායමක් මේ වන විටත් ඔස්ට්‍රේලියාව බලා පිටත්ව ගොස් සිටින අතර හෙට සහ අනිද්දා යන දෙදින තුළ තවත් පිරිසක් ගෝල්ඩ් කෝස්ට් වෙත පිටත් වෙනු ඇති.    මෙවර ශ්‍රී ලංකා කණ්ඩායමට නායකත්වය ලබා දෙන්නේ බර ඉසිලීමේ ඉසව්වේ 2006 වසරේ ඕස්ට්‍රේලියාවේ මෙල්බර්න්හිදී පැවති පොදු රාජ්‍ය මණ්ඩලීය ක්‍රීඩා උළෙලේ කිලෝග්‍රෑම් 62 බර පන්තියේ රන් පදක්කම දිනාගත්, අත්දැකීම් බහුල ක්‍රීඩකයෙකු වන චින්තන ගීතාල් විදානගේය. 2010 වසරේ ඉන්දියාවේ නවදිල්ලි නුවර පැව...

හෙට දිනයේ පාර්ලිමේන්තුවේදී විවාදයට ගන්නා විශ්වාස භංගයේදී අගමැති රනිල් වික‍්‍රමසිංහ මහතාට පක්‍ෂව ඡන්ද 120ට වඩා වැඩි ප‍්‍රමාණයක් ලැබෙනු ඇති බව එක්සත් ජාතික පක්‍ෂය පවසයි. සිරිකොත එජාප මූලස්ථානයේදී පැවති මාධ්‍ය හමුවක් අමතමින් පාර්ලිමේන්තු මන්ත‍්‍රී නලින් බණ්ඩාර මහතා කියා සිටියේ ශ‍්‍රීලනිප මන්ත‍්‍රීවරුන් දස දෙනෙකු පමණ විශ්වාස භංගයට විරුද්දව ඡුන්දය දෙනු ඇති බවයි. එමෙන්ම පොහොට්ටුව නියෝජනය කරන මන්ත‍්‍රීවරුන් කිහිප දෙනෙකුද විශ්වාස භංගයේදී අගමැතිවරයාට පක්‍ෂව ඡන්දය දෙනු ඇති බවද ඔහු කියා සිටියේය. විශ්වාස භංගයක් මේ මොහොත් ගෙන ආ යුතු නැතැයි පොහොට්ටුවේ මන්ත‍්‍රීවරුන් අතරද දෙකට බෙදීමක් ඇති බව ඔහු වැඩි දුරටත් සදහන් කලේය.

ඒකාබද්ධ විපක්ෂ කණ්ඩායම විසින් ඉදිරිපත් කරනු ලැබ තිබෙන විශ්වාසභංග යෝජනාව විවාදයට ගැනීමට පෙර පදවියෙන් ඉල්ලා අස්වන මෙන් ශ්‍රී ලංකා නිදහස් පක්ෂය කළ යෝජනාව අගමැති රනිල් වික්‍රමසිංහ සහ එක්සත් ජාතික පක්ෂය ප්‍රතික්ෂේප කර තිබේ. අඟහරුවාදා (අප්‍රේල් 03) පැවති කැබිනට් අමාත්‍යවරුන්ගේ හමුවෙන් අනතුරුව අමාත්‍ය නිමල් සිරිපාලද සිල්වා විසින් ශ්‍රී ලංකා නිදහස් පක්ෂයේ යෝජනාව අගමැතිවරයාට සහ එක්සත් ජාතික පක්ෂයට ඉදිරිපත් කළ බව එම හමුවට එක්වූ අමාත්‍ය හරින් ප්‍රනාන්දු පැවසීය. එයට ප්‍රතිචාර වශයෙන්, අගමැතිවරයා ලෙස රනිල් වික්‍රමසිංහ තවදුරටත් කටයුතු කළ යුතුය යන්න එක්සත් ජාතික පෙරමුණේ තීන්දුව යයි ඔවුන්ට දැනුම්දීමට එක්සත් ජාතික පක්ෂයේ අමාත්‍යවරුන් කටයුතු කළ බව ද අමාත්‍ය හරීන් ප්‍රනාන්දු සඳහන් කළේය. එම හමුවෙන් අනතුරුව මාධ්‍ය වෙත අදහස් දැක්වූ ශ්‍රී ලංකා නිදහස් පක්ෂයේ අමාත්‍ය එස්බී දිසානායක පැවසුවේ ශ්‍රී ලංකා නිදහස් පක්ෂයේ අමාත්‍යවරුන්ගේ ඒකමතික අදහස අගමැතිවරයාට දැනුම් දුන් බවය. අගමැතිවරයා ඉල්ලා අස් නොවුවහොත් ඔහුට එරෙහි විශ්වාසභංග යෝජනාවට සහාය දක්වන බව ද ඔහු සඳහන් කළේය. – BBC

සමහර මාධ්‍ය ආයතන දේශපාලන අධිකාරියට හා දේශපාලකයින්ට විනාඩි ගණන් වෙන්කර තිබෙනවා තමන් කැමති අයට ඒ අවස්ථාවන් ලබා දීම සඳහා. එම නිසා අද මාධ්‍ය එක්ක කටයුතු කිරීමේදී දේශපාලකයින් විදියට අපිටත් බොහොම ප්‍රවේශමෙන් තමයි කටයුතු සිදුකිරීමට සිදුවෙලා තිබෙන්නේ" යනුවෙන් අමාත්‍ය මහින්ද අමරවීර පවසයි . එසේම රටේ ආණ්ඩු හදන්නත් ආණ්ඩු පෙරලන්නත් පුළුවන් කණ්ඩායම් බවට අද මාධ්‍යවේදීන් වගේම මාධ්‍ය ආයතනයත් පත්ව ඇති බව එක්සත් ජනතා නිදහස්‌ සන්ධානයේ මහ ලේකම් , ධීවර හා ජලජ සම්පත් අමාත්‍ය හා මහවැලි නියෝජ්‍ය අමාත්‍ය ගරු මහින්ද අමරවීර මහතා පැවසීය. අමාත්‍ය මහින්ද අමරවීර මේ බව කියා සිටියේ ජාතික සංහිදියාව මෙරට ස්ථාපිත කිරීම සඳහා ජනමාධ්‍යවේදියා සතු කාර්ය භාර්ය යන මාතෘකාව යටතේ හම්බන්තොට දිස්ත්‍රික් ජනමාධ්‍යවේදීන් දැනුවත් කිරීමේ වැඩමුළුවක් සඳහා සහභාගි වෙමිනි. මෙහිදී තවදුරත් අදහස් දැක්වූ අමාත්‍යවරයා, තමන් කැමති දේශපාලකයින් පත් කරන්න මාධ්‍යට පුළුවන් "මාධ්‍ය ආයතන හිමිකාරිත්වයට අද පුළුවන්කම තිබෙනවා තමන් කැමැති මන්ත්‍රීවරු පාර්ලි‌‌මේන්තුවට යවන්න, තමන් කැමැති මන්ත්‍රීවරු පළාත් සභාවලට හා පළාත් පාලන ආයතනව...

වෙසක්-පොසොන් පොහොය දිනවල තොරණ් ප‍්‍රදර්ශණය කිරීම තහනම් කිරීමට රජය විසින් ගත් තීරණය අගය කරනා බව බොදු බල සේවා සංවිධානය පවසති. එහි මහ ලේකම් පූජ්‍ය ගලගොඩඅත්තේ ඥාණසාර හිමියෝ කුලියාපිටියේදී පැවති ධර්ඹ දේශනාවකදී මේ බව කියා සිටියහ. වෙසෙක් පොහොය ඇත්තේ දන්සල් කන්න තොරන් බලන්න නොව පිලිවෙත් පුරන්න යයිද පවසන උන් වහන්සේ රජය විසින් ගත් තීරණය ඉතා හොද බවත් ඇතැමුන් මෝඩයන් සේ බනින බවත් පැවසූහ.

එක්සත් ජාතික පක්‍ෂය තුල සැලකිය යුතු ප‍්‍රතිසංවිධානයක් හෝ නායකත්වයේ වෙනසක් සිදු නොකරන බව ඊයේ රාත‍්‍රියේ අගමැති රනිල් වික‍්‍රමසිංහ මහතා සමග කරන ලද සාකච්චාව අනුව පෙනී ගිය බව රාජ්‍ය ඇමති පාලිත රංගෙ බණ්ඩාර මහතා පවසයි. ඊයේ රාත‍්‍රි 08.30-10.30 කාලයේදී දෙපැයක පමණ සාකච්චාවක් අගමැතිවරයා සමග කරන ලද බවද ඔහු සදහන් කරයි. සිය නිල ෆේස්බුක් ගිණුමේ සටහනක් තබමින් රාජ්‍ය ඇමතිවරයා මෙම අදහස් පල කර තිබේ.